Çindən Rusiyaya qarşı ÇAĞIRIŞ: "Müvafiq təminatlar lazımdır"

Çin nüvə silahlarını öz dövlətlərindən kənarda yerləşdirməyə qarşı çıxır.

Publika.az xəbər verir ki, bu açıqlama ilə Çin Xalq Respublikasının BMT-dəki daimi nümayəndəsi Qenq Şuanq çıxış edib.

O, həmçinin qeyd edib ki, Pekin artıq başqa ölkələrdə yerləşdirilən nüvə silahlarını geri çəkməyə çağırır.

“Biz həmçinin nüvə mübadiləsinə dair sazişlərin (Avropada Amerikanın taktiki nüvə silahlarına dair – təqribən) ləğvinin tərəfdarıyıq. Biz hər hansı nüvə dövlətinin xaricdə nüvə silahı yerləşdirməməsinin tərəfdarıyıq”, – çinli diplomat bildirib.

Qenq Şuanq əlavə edib ki, qlobal sabitliyin qorunması üçün müvafiq təminatlar lazımdır.

Qeyd edək ki, bir müddət əvvəl Rusiya prezidenti Vladimir Putin Moskva və Minskin beynəlxalq hüququ pozmadan Rusiyanın taktiki nüvə silahlarının respublika ərazisində yerləşdirilməsi ilə bağlı razılığa gəldiyini açıqlamışdı.

Öz növbəsində, Aleksandr Lukaşenko cümə günü Belarus xalqına və Milli Assambleyaya müraciəti zamanı bildirib ki, ölkənin məhv edilməsi təhlükəsi yaranarsa, Minsk "hər şeylə" cavab verəcək.

Hüseyn İbadlı