İnsanların üçdə biri məhv olacaq: Alimlərdən dəhşətli proqnoz

Bu gün Yer kürəsində 8 milyarddan çox insan yaşayır. Bir neçə il əvvəl elm adamları həyəcan təbili çalırdılar - deyirdilər ki, planet həddindən artıq əhali ilə təhdid olunur. Ancaq bu gün tamamilə fərqli bir proqnoz verirlər: bildirirlər ki, çox yaxında Yer kürəsinin əhalisi kəskin şəkildə azalmağa başlayacaq.

Publika.az xəbər verir ki, "Live Science" jurnalında dərc edilən son araşdırmalar göstərir ki, 2100-cü ilə qədər Yer kürəsində 6 milyarddan az insan olacaq, yəni əhalinin sayı 2 milyarddan çox azalacaq.

“Son proqnozlara görə, canlıların təxminən 27%-i məhv olacaq”, - nəşr yazır.

Alimlər hesab edirlər ki, bu, Yer kürəsində ekoloji problemləri azaldacaq, lakin bəşəriyyətin qocalmasına səbəb olacaq.

Axı səhiyyənin və pensiyaların maliyyələşdirilməsi yükü yeni nəsillərin üzərinə düşəcək, çünki əmək qabiliyyətli yaşda olan insanların xüsusi çəkisi xeyli azalacaq.

“Əhalinin sayında azalma təkcə qlobal istiləşmə səbəbindən deyil. Doğuş səviyyəsi aşağı düşəcək. İnsanlar daha az uşaq dünyaya gətirəcək. O cümlədən aşağı gəlirli ölkələrdə iqtisadi inkişafın sıçrayışı azalacaq".

Ayşən