Serbiya Kosovo ilə bağlı “qırmızı xətt”ini açıqladı

"Serblərin öldürülməsi və deportasiyası Belqrad üçün qırmızı xəttdir".

Publika.az xəbər verir ki, bunu Serbiyanın müdafiə naziri Miloş Vuçeviç bildirib.

Nazir qeyd edib ki, Kosovonun şimalındakı son gərginlik fonunda serblərin Kosovo albanları tərəfindən öldürülməsi və deportasiyası Belqrad üçün 2qırmızı xətt" hesab edilir.

Onun sözlərinə görə, Serbiyanın həyati, milli və dövlət maraqları təhlükə altında olduğu zaman siyasi qırmızı xətlər müəyyən edilib:

"Kosovonun şimalında və Metoxiyadakı vəziyyət Priştinanın qərarları səbəbindən yüksək risklər daşıyır. Belə vəziyyətlər Serbiya üçün siqnaldır".

Qeyd edək ki, bundan öncə minlərlə serb Kosovonun şimalında etiraz aksiyası keçirmək üçün küçələrə axışıb. Vuçeviç deyib ki, Priştina Kosovonun şimalını və Metoxiyanı işğal etməyə çalışır. Serbiya prezidenti Aleksandr Vuçiç isə NATO-nun qismən tanınan Kosovo Respublikasındakı (KFOR) missiyasının təminatlara baxmayaraq, Kosovo serblərini müdafiə etməməsindən narahatlığını ifadə edib.

O, bildirib ki, Kosovodakı vəziyyətin getdikcə daha da pisləşəcəyindən qorxur.

Ayşən