BRICS yeni alyans yaradır - Hansı ölkələr qoşula bilərlər?

2025-ci ilin iyununda BRICS Konqresi keçiriləcək və orada assosiasiyanın kənd təsərrüfatı alyansının yaradılmasının təsdiqlənməsi planlaşdırılır.

Publika.az xəbər verir ki, bu barədə Kənd Təsərrüfatını Qoruma Milli Hərəkatının prezidenti Lyudmila Orlova “İzvestiya” qəzetinə müsahibəsində bildirib.

“Biz artıq dekabrda dəyirmi masa keçirmişik və indi konqres keçirmək və belə bir ittifaq yaratmaq barədə razılığa gəlmişik. 10-dan çox ölkə cavab verdi. Hazırda biz sənədləri, mexanizmləri yekunlaşdırırıq və proqramı formalaşdırırıq”, - Orlova bildirib.

Onun sözlərinə görə, Braziliya BRICS-ə sədrlik etdiyi üçün həmtəşkilatçı ola bilər.

“Biz indi cavab gözləyirik. Bütün sənədlər təsdiqlənib və razılaşdırılıb", - hərəkat rəhbəri bildirib.

O, belə bir ittifaqın Qərb əməkdaşlıq modellərinə alternativ təklif edərək, kənd təsərrüfatı və ekoloji texnologiyalar sahəsində ölkələrin səylərini birləşdirəcəyini vurğulayıb.

Orlova həmçinin bildirib ki, alyansa təkcə BRICS üzvləri və ya tərəfdaşları qoşula bilməz. O qeyd edib ki, Avrasiya İqtisadi İttifaqına (Aİİ) üzv dövlətlər və müşahidəçilər, o cümlədən Qazaxıstan və Özbəkistan bu layihədə maraqlıdır.

Hüseyn İbadlı