Təyyarədə qalmaqal törədən diktatorun qızı etiraf etdi: Sərxoş olub

Filippinin bədnam diktatoru Ferdinand Markosun qızı Avstraliyada sərnişin təyyarəsində qalmaqal törədən zaman sərxoş olduğunu etiraf edib.

Publika.az xəbər verir ki, bu barədə “Daily Mail” məlumat yayıb.

Sözügedən hadisə 2024-cü ilin sonlarında “Jetstar” təyyarəsində baş verib. Analisa Korr etiraf edib ki, o, əri Cimmi Korrla birlikdə təyyarənin göyərtəsinə spirtli içkini qaçaqmalçılıq yolu ilə keçirib və sərxoş olub, baxmayaraq ki, o, əvvəllər sərxoş olduğunu inkar edib.

Qız spirtli içkinin təsiri altında tualetdən çıxarkən digər sərnişini tutub silkələməyə başlayıb. Cütlük sonda uyğunsuz davranışlarına görə uçuşdan uzaqlaşdırılıb və ekipajın göstərişlərinə əməl etməməkdə ittiham edilib.

Korr girov üçün müraciət edib və məhkəmə onların vəsatətini təmin edib, lakin iş üzrə istintaq davam edir. Məhkəmənin hökmü apreldə çıxarılacaq.

Analisa Korr özünü sahibkar kimi təqdim edir və “Analisa Corr Design” və “Analisa Corr Photography” şirkətlərinə sahibdir. O, Filippinin prezidenti olmuş Ferdinand Markosun qızıdır və anası Sidneydən olan keçmiş “Playboy” modelidir.

Tural