Dünya

Rusiyaya daha bir zərbə: “Lukoyl” şirkətinin aktivləri əldən çıxır

14 Noyabr 2025 13:56

Amerikanın “Carlyle” investisiya şirkəti Rusiyanın sanksiyalar altında olan “Lukoyl” şirkətinin xarici aktivlərinin alınması variantlarını araşdırır.

Publika.az xəbər verir ki, şirkət hələ qərar verməsə də, bu aktivləri əldə etmək üçün başqa variantları nəzərdən keçirir.

Bu barədə “Reuters” mənbələrə istinadən məlumat yayıb.

“Vəziyyətlə tanış olan üç mənbəyə görə, Amerikanın “Carlyle” özəl kapital şirkəti Rusiyanın neft nəhəngi “Lukoyl”un xarici aktivlərini almaq variantlarını nəzərdən keçirir”, - nəşr bildirib.

"Şirkət lazımi yoxlama başlamazdan əvvəl aktivləri almaq üçün ABŞ lisenziyası üçün müraciət etməyi planlaşdırır", - “Reuters” yazıb.

Agentlik əlavə edir ki, ikinci mənbə deyib ki, “Carlayle” öz niyyətləri barədə “Lukoyl”a məlumat verib.

“Reuters” qeyd edir ki, aktivlər 2024-cü ilə qədər təqdim edilən müraciətlərə əsasən, təxminən 22 milyard dollar dəyərində qiymətləndirilir.

Tural