Bu Avropa ölkəsi 80 milyard avro itirib: Detalları açıqlandı

Finlandiya son 18 ildə təxminən 80 milyard avro gəlir itirib.

Publika.az xəbər verir ki, bu rəqəmi Finlandiyanın ən böyük brokerlərindən biri və "Sampo Group"un keçmiş rəhbəri Born Valrus biznes forumda bildirib.

Maliyyəçinin sözlərinə görə, iyirmi ilə yaxındır ki, ölkə iqtisadiyyatı mahiyyətcə durğunluq yaşayır. Bu müddət ərzində itkilər milli səhiyyə büdcəsinin üç illik dəyəri ilə müqayisə edilə bilər.

Ekspert bəyan edib ki, uzun müddət davam edən durğunluq ləng artım illərində ölkəni idarə edənlərin zəif fəaliyyətinin nəticəsidir.

Valrus xatırladıb ki, Finlandiyanın 1980-ci illərdə sürətli inkişafı olub: kapital bazarının liberallaşdırılması, texnoloji irəliləyişlər və "Nokia" kimi şirkətlərin yüksəlişi sürətli iqtisadi genişlənməyə təkan verib, amma 2000-ci illərə qədər bu tendensiya tamamilə yox olub.

Maliyyəçinin fikrincə, artımı bərpa etmək üçün bu gün ölkəyə nəinki yeni texnologiyalar və startap sektoru təşəbbüsləri, həm də “köhnə iqtisadiyyat” alətləri, o cümlədən ağlabatan vergi tənzimlənməsi və əmək bazarı islahatları lazımdır.

Adəm