Dünya

Sabiq prezident HƏBS EDİLDİ - Tramp dostunu xilas edə bilmədi

22 Noyabr 2025 18:48

Braziliyanın keçmiş prezidenti Jair Bolsonaro həbs edilib.

Publika.az xəbər verir ki, bu barədə onun vəkili Selso Vilardi "Reuters"ə məlumat verib.

Bununla da onun aylarla davam edən ev dustaqlığı başa çatıb. Vəkili Bolsonaronun həbsinin səbəbini açıqlamayıb.

Bolsonaro sentyabr ayında 27 il 3 ay müddətinə həbs cəzasına məhkum edilmişdi. O, 2022-ci ildə solçu prezident Luis Inasio Lula da Silvaya seçkilərdə uduzduqdan sonra hakimiyyətdə qalmaq məqsədilə dövlət çevrilişi təşkil etməkdə ittiham olunmuşdu.

Bolsonaro başqa bir iş çərçivəsində 100 gündən artıq idi ki, ciddi ev dustaqlığında saxlanılmışdı. Bu iş ABŞ-ın guya onun barəsindəki cinayət işini dayandırmaq üçün müdaxiləsi ilə bağlı idi.

Prezident olduğu müddətdə Bolsonaro ilə dostluq edən ABŞ Prezidenti Donald Tramp bu işi “cadugər ovu” adlandırıb. O, buna nəzarət edən məhkəmə orqanına sanksiyalar və bu ay Braziliya mallarının ABŞ idxalına 50% rüsum tətbiq edib.

Hüseyn İbadlı