Dünya

Serkan Bolatın heyranı olan rus qadın itkin düşüb: Oğlunu da götürüb...

24 Noyabr 2025 09:32

32 yaşlı rusiyalı qadının on yaşlı oğlu ilə birlikdə itkin düşdüyü bildirilir.

Publika.az xəbər verir ki, ailəsi bir neçə gündür ki, onları axtarır. Bu barədə “Mash” "Telegram" kanalı məlumat yayıb. Bildirilir ki, qadın türk seriallarına heyran olduğu üçün qəfildən evi tərk edib.

Yaxınlarının dediyinə görə, Darya adlı xanım subay olub, valideynləri ilə birgə yaşayırmış, mühasib işləyirmiş. Ailədə heç bir münaqişə olmayıb.

Ancaq son aylarda o, nəzərəçarpacaq dərəcədə özünə qapanıb və demək olar ki, bütün boş vaxtını yerli seriallara, xüsusən də məşhur aktyor Serkan Bolatın rol aldığı seriallara baxaraq keçirib.

Ailə onların itkin düşdüyünü polisə xəbər verib. CCTV görüntülərində Darya və övladının İstanbul hava limanına çatdığı görünür. Bundan sonra ana və oğulun bütün izləri itir.

Tural