Böyük Britaniya Rusiya tankerini ələ keçirdi
Bizi izləyin
Aptekonline

Dünya

Böyük Britaniya Rusiya tankerini ələ keçirdi

Rusiyanın “Stoikiy” korveti və tankerinin Böyük Britaniya sahillərində tutulduğu bildirilir.

Publika.az xəbər verir ki, bu barədə Britaniya KİV-i Böyük Britaniyanın Müdafiə Nazirliyinə istinadən məlumat yayıb.

Müdafiə Nazirliyinin məlumatına görə, “HMS Severn” patrul gəmisi iki həftə ərzində Rusiya gəmilərinin Dover boğazından və daha qərbə doğru hərəkətini izləyib. Müdafiə Nazirliyi qeyd edib ki, müşahidə daha sonra Brittani sahillərində adı açıqlanmayan NATO müttəfiqinə ötürülüb, “HMS Severn” isə uzaqdan monitorinqi davam etdirir. Gəmilərin nə vaxt saxlanıldığı barədə məlumat verilməyib.

O da bildirilir ki, Böyük Britaniya Şimali Atlantika və Arktikada gəmi və sualtı qayıqları izləmək üçün NATO-nun daha geniş missiyasının bir hissəsi olaraq İslandiyaya ən son “Poseydon” müşahidə təyyarələri yerləşdirib.

Rusiya səfirliyi Londonu “militarist isteriyanı qızışdırmaqda” günahlandırıb və eskalasiya istiqamətində addımlardan qaçmağa çağırıb.

Tural

Oxumağa davam et
Reklam
Reklam

Gündəm

Aptekonline