ABŞ

Tramp alkoqola meylli olduğunu təsdiqlədi

17 Dekabr 2025 17:16

ABŞ prezidenti Donald Tramp həqiqətən də alkoqola meylli olduğunu təsdiqləyib və niyə şüurlu şəkildə ondan imtina etdiyini izah edib.

Publika.az xəbər verir ki, bu barədə “New York Post” qəzeti məlumat yayıb.

Bu açıqlamaya səbəb Ağ Evin aparat rəhbəri Syuzan Uaylsla bu yaxınlarda aparılan müsahibə olub. Müsahibədə o, ABŞ prezidentini "alkoqolizm xarakterinə malik bir insan" kimi təsvir edib.

Jurnalistlərin suallarını cavablandıran Tramp, tabeliyindəki şəxsin söz seçimindən incimədiyini və Uaylsın konkret bir şey demək istədiyini söyləyib.

"Görürsünüz, mən spirtli içki içmirəm. Bunu hamı bilir, amma mən demişəm ki, əgər içsəydim, spirtli içki düşkünü olmaq şansım çox yüksək olardı. Bunu özüm haqqında dəfələrlə demişəm. Mənim çox asılılıq yaradan xarakterim var", - prezident izah edib.

Adəm