Türkiyə bu halda Ukraynaya qoşun göndərəcək

Türkiyə sülhməramlı kontingentinin Ukraynaya yerləşdirilməsi yalnız atəşkəs əldə edildiyi təqdirdə mümkündür.

Publika.az TASS-a istinadən xəbər verir ki, Türkiyə Müdafiə Nazirliyi yerləşmə üçün bu şərti irəli sürüb.

Qeyd olunur ki, Ankara daimi atəşkəsə nail olmağa yönəlmiş istənilən konstruktiv təşəbbüslərdə iştirak etməyə hazırdır, lakin qoşunların "könüllülər koalisiyası"nın bir hissəsi kimi yerləşdirilməsi yalnız Ukraynada atəşkəs olduqda və hər bir iştirakçı üçün aydın missiya müəyyən edildikdə mümkündür.

"Ölkəmiz Rusiya ilə Ukrayna arasındakı müharibədə daimi atəşkəs üçün istənilən konstruktiv təşəbbüsə töhfə verməyə hazırdır. Bu baxımdan, biz "könüllülər koalisiyası"nın fəaliyyətində fəal iştirak edirik. Türkiyə sülhməramlı qüvvələrinin tərkibində Ukraynaya qoşun göndərməzdən əvvəl ilk növbədə atəşkəsi təmin etmək, sonra dəqiq missiya müəyyənləşdirmək və hər bir ölkənin töhfə verəcəyi miqyası müəyyən etmək lazımdır", - deyə nazirliyin bəyanatında vurğulanıb.

Adəm