Dünya

ABŞ-ın İrandakı xilasetmə əməliyyatı ilə bağlı şok iddia: Əsl məqsəd nə olub?

7 Aprel 2026 18:00

İranda qəzaya uğrayan F-15E təyyarəsinin pilotları üçün ABŞ-ın keçirdiyi xilasetmə əməliyyatının əsl məqsədi İranda zənginləşdirilmiş uranın oğurlanmasıdır.

Publika.az xəbər verir ki, bunu İran Xarici İşlər Nazirliyinin sözçüsü İsmayıl Bəqayi deyib.

Onun sözlərinə görə, bu əməliyyat uğursuzluqla başa çatıb: "Zənginləşdirilmiş uranı oğurlamaq üçün aldadıcı bir əməliyyat olma ehtimalı istisna edilməməlidir. Lakin aydın olan odur ki, bu əməliyyatın nəticəsi qarşı tərəf üçün tamamilə uğursuz oldu".

Xatırladaq ki, İran İnqilab Keşikçiləri Korpusunun açıqlamasında hava hücumundan müdafiə sistemlərinin İran hava məkanının mərkəzində ABŞ-ın F-35 qırıcı təyyarəsini vurduğu və pilotun və ya pilotların taleyinin məlum olmadığı bildirilib. ABŞ daha sonra vurulan qırıcı təyyarənin F-15E olduğunu və pilotlardan birini xilas etdiyini, digər pilotu tapmaq üçün isə əməliyyatların davam etdiyini iddia edib.

Müəllif: Roza