Türkiyə Fransa və Rusiyanı sıxışdırır - Ankaradan səssiz və strateji gediş
Bizi izləyin
Aptekonline

Dünya

Türkiyə Fransa və Rusiyanı sıxışdırır - Ankaradan səssiz və strateji gediş

Türkiyə Fransa və Rusiyanı sıxışdırır - Ankaradan səssiz və strateji gediş

Fransanın nüfuzlu “Le Monde” qəzeti Türkiyənin Afrikada, xüsusilə Malidə səssiz, amma strateji şəkildə mövqeyini gücləndirdiyini yazıb.

Publika.az xəbər verir ki, məqaləyə əsasən, Fransa və Rusiyanın Afrika ölkələrində təsiri azalarkən, Türkiyə müdafiə sənayesi başda olmaqla müxtəlif sahələrdə sürətlə irəliləyir.

Bildirilib ki, Ankara ilə Bamako arasında ticarət dövriyyəsi son 10 ildə 3 dəfə artıb.

Türkiyənin Mali üçün pilotsuz uçuş aparatları, hərbi texnika və təlim sahəsində əsas tərəfdaşlardan birinə çevrildiyi vurğulanıb. Həmçinin iki ölkə arasında onlarla hərbi və iqtisadi anlaşmanın imzalandığı qeyd olunub.

2018-ci ildə Türkiyə prezidentinin Mali səfərinin münasibətlərə yeni dinamika verdiyi, Bamako Expo (BAMEX) kimi müdafiə sərgilərinin isə əməkdaşlığı daha da gücləndirdiyi vurğulanıb.

Məqalədə Türkiyənin Afrika siyasətinin “səssiz, amma davamlı genişlənən” strateji xətt kimi qiymətləndirildiyi qeyd olunub.

Müəllif: Roza

Oxumağa davam et
Reklam
Reklam

Gündəm

Aptekonline