Aİ-də Rusiya ilə bağlı anlaşmazlıq: Qərar ertələndi
Bizi izləyin

Dünya

Aİ-də Rusiya ilə bağlı anlaşmazlıq: Qərar ertələndi

Aİ-də Rusiya ilə bağlı anlaşmazlıq: Qərar ertələndi

Avropa İttifaqı ölkələrinin daimi nümayəndələri Rusiyanın Ukraynanın ərazi bütövlüyünü pozmasına görə tətbiq edilən sanksiyaların uzadılması ilə bağlı yenidən razılığa gələ bilməyiblər.

Publika.az xəbər verir ki, bu barədə “Avropa həqiqəti” Brüsseldəki diplomatik mənbələrə istinadən məlumat yayıb.

Məlumata görə, məsələ ilə bağlı müzakirələr sentyabrın 21-də keçiriləcək növbəti görüşə təxirə salınıb. Sanksiyaların hazırkı müddəti sentyabrın 22-də gecə yarısı başa çatır.

Aİ-nin sözügedən sanksiya rejimi Ukraynanın suverenliyi və ərazi bütövlüyünün pozulmasına görə Rusiyanın təxminən 3 min fiziki və hüquqi şəxsinə şamil olunur.

Bundan əvvəl də sanksiyaların uzadılması yeddi gün müddətinə təxirə salınmışdı. Buna səbəb Slovakiya və Fransanın iki rusiyalı oliqarxın sanksiya siyahısından çıxarılmasını tələb etməsi olub.

Müzakirələrin nəticəsindən asılı olaraq, sanksiyaların gələcək taleyi sentyabrın 21-də keçiriləcək görüşdə müəyyənləşə bilər.

Oxumağa davam et
Reklam
Reklam

Gündəm

Zəfaran Hospital
Səba