Navrotski ilə görüş üçün 100 min dollar: Polşada qalmaqal böyüdü

Polşada biznes nümayəndələrinə prezident Karol Navrotski ilə şəxsi görüş vədi ilə 100 min dollarlıq paket təklif edilməsi qalmaqala səbəb olub.

Publika.az xəbər verir ki, bu barədə "Radio Zet" məlumat yayıb.

Bildirilir ki, nəticədə siyasətçi ilə görüş üçün nəzərdə tutulan paketi heç kim almayıb. Fond nümayəndələri bildiriblər ki, heç bir müqavilədə paketi alan şəxsin prezidentlə mütləq görüşəcəyinə dair öhdəlik olmayıb. Onlar həmçinin qeyd ediblər ki, fondun prezidentin vaxtına sərəncam vermək hüququ yoxdur.

Bununla belə, prezidentlə söhbət üçün digər paketlərin də satışa çıxarılması planlaşdırılıb. Məlumata görə, Navrotskinin diqqətini cəlb etmək üçün təklif olunan paketlərin qiyməti 25 min dollardan başlayıb.

Polşa hakimiyyəti forum çərçivəsində bu təkliflərin necə formalaşdırılması və maliyyə ödənişlərinin prezidentlə əlaqələrə təsiri ilə bağlı izahat tələb edib.

Navrotskinin administrasiyası isə ittihamları rədd edib. Administrasiyadan bildirilib ki, prezidentin iştirak etdiyi sammitə qatılmaq tamamilə pulsuz olub.

Müəllif: Adəm