Netanyahu seçkilərdə ağır zərbə ilə üzləşə bilər - Koalisiyanın taleyi sual altındadır

İsraildə oktyabrın 27-də keçiriləcək seçkilərdən əvvəl aparılan sorğu baş nazir Benyamin Netanyahunun rəhbərlik etdiyi koalisiyanın parlamentdə çoxluğu itirə biləcəyini göstərib.

Publika.az xəbər verir ki, “Agam Labs” və Yerusəlim İvrit Universitetinin 4 min nəfər arasında keçirdiyi sorğunun nəticələrinə görə, Netanyahunun sağçı bloku Knessetdəki 120 yerdən 52-54-nü qazana bilər. Bu isə hökumətin formalaşdırılması üçün tələb olunan 61 mandatdan xeyli azdır.

Sorğuda müxalifətin aparıcı qüvvəsi olan Gadi Ayzenkotun “Yashar” partiyasının 20 mandat əldə edəcəyi proqnozlaşdırılır. Bununla belə, müxalifət partiyalarının mümkün koalisiya üçün kifayət qədər yer toplayacağı da dəqiq deyil.

Araşdırmanı aparan Nimrod Nir bildirib ki, seçkilərdən sonra milli birlik hökumətinin qurulması, ərəb partiyalarının dəstəklədiyi alternativ koalisiya və ya növbədənkənar seçkilərin keçirilməsi variantları gündəmə gələ bilər.

İsraildə seçki sorğularının nəticələrinin dərcinə cümə günündən etibarən qadağa qoyulacaq. Qadağa sosial şəbəkələrdə sorğu nəticələrinin paylaşılmasına da şamil edilir.

Müəllif: Adəm