Meloniyə üç şərt: Ukraynaya yardımı dayandır, miqrantları geri göndər və ...
Bizi izləyin

Dünya

Meloniyə üç şərt: Ukraynaya yardımı dayandır, miqrantları geri göndər və ...

Meloniyə üç şərt: Ukraynaya yardımı dayandır, miqrantları geri göndər və ...

İtaliyanın “Milli Gələcək” partiyasının lideri Roberto Vannacci gələcək parlament seçkilərindən sonra müəyyən şərtlər daxilində Baş nazir Corcia Meloninin hökumətini dəstəkləyə biləcəyini açıqlayıb.

Publika.az xəbər verir ki, bu barədə “Politico” qəzeti məlumat yayıb.

Vannacci hökumətə dəstək müqabilində üç əsas tələb irəli sürüb. Bunlar Ukraynaya hərbi və maliyyə yardımının tamamilə dayandırılması, assimilyasiya olunmamış miqrantların ölkələrinə qaytarılması və Avropa İttifaqının “Yaşıl saziş” siyasətindən imtina edilməsidir.

Nəşrin məlumatına görə, siyasətçi gələcək parlamentdə öz fraksiyasının Meloniyə şərtlərini qəbul etdirmək üçün kifayət qədər mandat qazanacağına ümid edir. O, hökumətdə nazir vəzifəsi tutmağa ehtiyac görmədiyini, “Milli Gələcək” partiyasının rəhbəri olaraq qalmaq istədiyini bildirib.

Hazırda partiyanın elektorat arasında dəstəyi təxminən 7 faiz səviyyəsindədir. Analitiklər hesab edirlər ki, belə nəticə Meloninin parlament çoxluğu formalaşdırmasını çətinləşdirə bilər. Bu halda Vannaccinin dəstəyi koalisiya danışıqlarında mühüm amilə çevriləcək.

Qeyd edək ki, bir neçə gün əvvəl Corcia Meloni ilə Ukrayna prezidenti Vladimir Zelenski arasında Dublində keçirilən Aİ sammiti çərçivəsində qeyri-rəsmi görüşü baş tutub.

Müəllif: Adəm

Oxumağa davam et
Reklam
Reklam

Gündəm