Səudiyyə Ərəbistanı Yəməndə geri çəkildi: Komandanlıq dəyişdirildi
Bizi izləyin

Dünya

Səudiyyə Ərəbistanı Yəməndə geri çəkildi: Komandanlıq dəyişdirildi

Səudiyyə Ərəbistanı Yəməndə geri çəkildi: Komandanlıq dəyişdirildi

Səudiyyə Ərəbistanı Yəməndə husilərə qarşı döyüşən koalisiya qüvvələrinin komandanını dəyişib. Bu qərar Qırmızı dəniz sahilindəki şəhərlərə nəzarəti bərpa etmək cəhdlərinin uğursuzluğa düçar olmasından sonra verilib.

Publika.az xəbər verir ki, bu barədə “Al Jazeera” telekanalı kral fərmanına istinadən məlumat yayıb.

Fərmana əsasən, general Fəyyad ər-Rüvəylidə koalisiya qüvvələrinin komandanı vəzifəsinə təyin edilib. O, general-leytenant Fəhd bin Həmmad Əl-Səlmanı əvəzləyib. Əl-Səlman isə müdafiə nazirinin hərbi müşaviri vəzifəsinə keçirilib.

Komandanlıq dəyişikliyi koalisiya qüvvələrinin Qırmızı dəniz sahilində nəzarəti bərpa etmək üçün başladığı əməliyyatı dayandıraraq əlavə qüvvələri Yəmən hökumətinin müvəqqəti paytaxtı Ədənə göndərməsindən sonra baş verib. Buna səbəb husilərin şəhərə doğru irəliləməsidir.

Yəmənin beynəlxalq səviyyədə tanınan hökuməti koalisiya qüvvələrinin strateji əhəmiyyətli Bab əl-Məndəb boğazı yaxınlığındakı mövqelərdən geri çəkilərək Ədənin müdafiəsinə yönəldiyini açıqlayıb.

Bu geri çəkilmə Səudiyyə Ərəbistanının dəstəklədiyi husilərə qarşı kampaniya üçün ciddi uğursuzluq hesab olunur. Sentyabrda husilər Qırmızı dəniz sahilindəki Moha liman şəhəri də daxil olmaqla, hökumətin nəzarətində olan əraziləri ələ keçirib. Daha sonra ölkənin iri şəhərlərindən biri olan Taizi mühasirəyə alıblar. Hökumət qüvvələri Mohaya nəzarəti geri qaytara bilməyib.

Müəllif: Adəm

Oxumağa davam et
Reklam
Reklam

Gündəm