Putinin Çindən verdiyi mesaj: Rusiyanı buna məcbur edənlər özlərini cəzalandırdılar
Bizi izləyin

Dünya

Putinin Çindən verdiyi mesaj: Rusiyanı buna məcbur edənlər özlərini cəzalandırdılar

Putinin Çindən verdiyi mesaj: Rusiyanı buna məcbur edənlər özlərini cəzalandırdılar

Rusiya heç vaxt dollar və avrodan imtina etməyib, lakin Rusiyanın bu valyutalardan istifadə etməsinə çalışanlar özlərini cəzalandırıblar.

Publika.az xəbər verir ki, bunu Prezident Vladimir Putin Çində keçirilən APEC Biznes Sammitində bildirib.

O qeyd edib ki, keçmiş hegemonlar yeni imkanlara uyğunlaşmaq əvəzinə, hazırda irəliləyiş nümayiş etdirən ölkələrin inkişafını məhdudlaşdırmağa çalışırlar. Bu baxımdan, Rusiya Qərb tərəfindən ona qarşı tətbiq edilən sanksiyaların sayına görə "rekordçu" olub. Lakin dünyada iqtisadi dominantlığın keçmiş alətləri öz çəkindirici təsirini itirib. Beləliklə, onun sözlərinə görə, Aİ sürətlə öz mövqeyini və potensialını itirir.

"Avropa İttifaqı onlara (sanksiyalara – red.) uyğunlaşa bilməyib, o cümlədən bazarımızdan könüllü şəkildə imtina edib və onilliklər boyu onun çiçəklənməsini təmin edən Rusiya enerji resurslarının ucuz və sabit tədarükünü kəsib. O, sənaye potensialını və rəqabət mövqeyini itirir", - deyə Putin bildirib.

Bunun əksinə olaraq, Asiya-Sakit Okean regionu qlobal iqtisadiyyatın, planetin sənaye və texnoloji mərkəzinə çevrilib.

O əlavə edib ki, "Asiya ölkələri "dünyanın fabriklərindən" innovasiya mühərriklərinə çevrilərək nəhəng bir sıçrayış ediblər".

Rusiya iqtisadiyyatından danışan Putin, ölkənin son üç ildə ÜDM-in 10%-dən çox artaraq dünyanın ən böyük iqtisadiyyatları arasında möhkəm yer aldığını qeyd edib. Ölkənin dövlət borcu dünyada ən aşağı səviyyələrdən birinə, təxminən 17%-ə malikdir.

O, Rusiyanın rəqəmsal transformasiyanın ön sıralarında olduğunu və dil modellərinin dünyanın ən yaxşıları arasında olduğunu bildirib.

Rusiya lideri dünən axşam APEC sammitinin keçirildiyi Şençjen şəhərinə gəlib. Rusiya, Çin və ABŞ liderləri arasında üçtərəfli danışıqlar sabah keçiriləcək.

Müəllif: Tural

Oxumağa davam et
Reklam
Reklam

Gündəm