Bayden Netanyahunu Trampa bənzətdi: Demokratik institutları manipulyasiya edir
Bizi izləyin

Dünya

Bayden Netanyahunu Trampa bənzətdi: Demokratik institutları manipulyasiya edir

Bayden Netanyahunu Trampa bənzətdi: Demokratik institutları manipulyasiya edir

ABŞ-ın keçmiş prezidenti Co Bayden İsrailin Baş naziri Benyamin Netanyahunu şəxsi maraqları naminə demokratik institutları manipulyasiya etməkdə və “Trampabənzər meyillərə” sahib olmaqda ittiham edib.

Publika.az xəbər verir ki, bu barədə Baydenin yeni memuarında yer alan fikirləri “The Jerusalem Post” nəşri yayıb.

Bayden həmçinin Netanyahu ilə aralarında etimadın olmadığını bildirib və onun İsrailin məhkəmə sistemini dəyişdirmək cəhdlərini tənqid edib.

Maraqlıdır ki, bu ittihamlardan cəmi beş gün əvvəl, 2025-ci il yanvarın 15-də iki siyasətçi telefonla danışarkən Bayden Netanyahunu tərifləyib. İsrail və HƏMAS arasında atəşkəs və girovların azad edilməsi barədə razılaşmanın elan olunduğu gün baş tutan söhbətdə o, İsrail liderinə “Sən yaxşı insansan, sənə heyranam” deyib.

İki lider arasında əsas fikir ayrılıqları Fələstin məsələsi ilə bağlı olub. Bayden iki dövlət prinsipini müdafiə etdiyi halda, Netanyahu İordan çayının qərbində İsrailin təhlükəsizlik nəzarətini qorumaqda israr edib. 2024-cü ilin mayında isə Bayden administrasiyası İsrailin Rəfaha mümkün genişmiqyaslı hücumu ilə bağlı narahatlıqlara görə bomba tədarükünü dayandırıb.

Müəllif: Adəm

Oxumağa davam et
Reklam
Reklam

Gündəm