Artezian və subartezian quyuları ilə bağlı qaydalar hazırlanır

"Yerin təki haqqında" qanunvericiliyə dəyişiklik nəzərdə tutulur, o cümlədən artezian və subartezian quyularının sifarişi, layihələndirilməsi, qazılması və istismarı ilə bağlı qaydalar hazırlanır".

Publika.az xəbər verir ki, bunu Ekologiya və Təbii Sərvətlər Nazirliyinin Su ehtiyatlarının idarə edilməsi şöbəsinin müdiri Mütəllim Əbdülhəsənov "Ekspert saatı"nda deyib.

Onun sözlərinə görə, quyuların qazılması tədbirlər planının əsas istiqamətidir: "Bu, vahid dövlət sənədi olacaq. Hər bir fiziki və hüquqi şəxs qanunvericiliyin tələblərinə mütləq əməl etməyə borclu olacaq. Quyuların qazılması və suyun götürülməsi icazə əsasında olacaq. Çünki bu, təbii sərvətdir və ölkəmizin yeraltı suları qorunmalıdır. Əgər ərazidə yerüstü su ehtiyatları kifayət qədər varsa, orada yeraltı suların qazılmasına icazə verilmir. Bu məhdudlaşdırıcı tədbirlər qanunveriliciliklə təsbit edilib. Amma kiçik dərinlikdə yuxarı səviyyədə olan qrunt sularının həyətyanı sahələrdə çıxarılmasına icazə verilir. Bu, qanunla tənzimlənir".

Akqabay