Formula 1

"Formula 1" 70 yaşında

13 May 2020 16:05

Dünyanın ən həyəcanlı motorlu idman növləri sırasında yer alan “Formula 1” Dünya Çempionatı 70 yaşını qeyd edir.

Publika.az xəbər verir ki, çempionatın rəsmi saytı bu münasibətlə videoçarx yayımlayıb.

Videoçarxda 1950-ci ildə Britaniya Qran-Prisi ilə başlayan çempionatın tamaşaçıların böyük dəstəyi sayəsində bugünkü səviyyəyə gəlib çıxdığı vurğulanıb. “Formula 1”in doğum günündə keçmiş və hazırkı əfsanələrin tamaşaçılara təşəkkür etdiyi qeyd olunub.

Qeyd edək ki, çempionatın 2020-ci il mövsümü koronavirus pandemiyasına görə təxirə salınıb. Pandemiya səbəbilə 10 mərhələsi təxirə salınan və ya ləğv olunan çempionatın builki mövsümünə 5 iyulda Avstriyadakı yarışla başlanması gözlənilir.

Zümrüd