İqtisadi gündəm

Aqrar sığorta üzrə təminat verilən risklərin siyahısı genişləndirildi

22 Dekabr 2021 19:36

Aqrar sığorta üzrə təminat verilən risklərin siyahısı genişləndirilib.

Publika.az xəbər verir ki, Nazirlər Kabinetinin 397 nömrəli Qərarına dair izahına əsasən, Qərarda sel və ya subasmanın, leysanın, ildırımın, şaxtavurmanın (donvurmanın), normadan artıq yağan qar yağıntılarının və kənd təsərrüfatı heyvanlarına münasibətdə kimyəvi maddələrin təsirindən zəhərlənmə nəticəsində ölüm risklərinin aqrar sığorta üzrə təminat verilən risklərin tərkibinə daxil edilməsi nəzərdə tutulur.

Belə ki, müvafiq dəyişikliklə aqrar sığorta predmetləri üzrə təminat verilən risklərin tərkibi artırılmaqla, aqrar sığorta sistemində əmlak mənafeləri sığortalanan kənd təsərrüfatı məhsullarının istehsalçısı olan fiziki və ya hüquqi şəxslərin sayının artmasına imkan yaranacaqdır.