İqtisadi gündəm

Baydenin qərarının dollara təsiri: Ucuzlaşmağa başladı

22 İyul 2024 16:54

ABŞ prezidenti Co Bayden seçki yarışından çəkildiyini elan etdikdən sonra dolların digər əsas dünya valyutaları qarşısında dəyəri ucuzlaşmağa başlayıb.

Publika.az xəbər verir ki, bunu ticarət məlumatları sübut edir. Bu gün saat 13:00-a olan məlumata görə, dolların indeksi 0,16% - 104,22 bəndədək azalıb (ABŞ-ın ticarət tərəfdaşları olan altı ölkənin valyuta səbətinə nisbət). Eyni zamanda, avro/dollar məzənnəsi əvvəlki bağlanış səviyyəsindən bir avro üçün 1,0877 dollardan 1,0894 dollara yüksəlib. Dollar/yen məzənnəsi əvvəlki bağlanışda bir dollar üçün 157,49 yendən 156,62 yenaya kimi ucuzlaşıb.

Xatırladaq ki, ABŞ prezidenti Co Bayden bazar günü, iyulun 21-də prezident seçkilərindən geri çəkildiyini açıqlamışdı.

Tural