Hadisə

Ata oğlunu amansızcasına qətlə yetirdi

2 Dekabr 2022 11:35

Buryatiyada münaqişə zamanı ata yetkin oğlunu bıçaqla ölümcül yaralayıb.

Publika.az bu barədə “Baikal-Daily” Qusinozerski şəhər məhkəməsindəki mənbəyə istinadla xəbər verir.

Şöbədən verilən məlumata görə, həmin şəxs oğlundan spirtli içki almaq üçün pul tələb edib, lakin gənc nalayiq sözlər işlədib və pulu verməyib. Qəzəblənən ata oğlunu bıçaqla yaralayıb, sonra isə yatıb.

Səhər yuxudan oyandıqda kişi gəncin cəsədini aşkar edib və təcili tibbi yardım çağırıb. Həkimlər müayinədən sonra onun öldüyünü bildiriblər.

Mərhumun atasına qarşı cinayət işi açılıb. Kişi təqsirini boynuna alıb və oğlunu öldürmək istəmədiyini bildirib. Təqsirləndirilən şəxs 7 il müddətinə azadlıqdan məhrum edilib.

Ayşən Rəhim