Hadisə

Şəmkirdə ağır qəza: 4 ölü, 3 yaralı

17 İyun 2016 00:22

Bakı-Qazax magistral yolunda iki avtomobil toqquşub.

APA-nın qərb bürosunun verdiyi məlumata görə, hadisə yolun Şəmkir rayonu Könüllü kəndi ərazisindən keçən hissəsində qeydə alınıb. "Mersedes"lə VAZ 2106 markalı avtomobilin toqquşması nəticəsində 4 nəfər ölüb, 3 nəfər yaralanıb. Yaralılar Şəmkir Mərkəzi rayon xəstəxanasına yerləşdirilib.

“Mersedes”in sürücüsü Gəncə şəhər sakini, 1981-ci il təvəllüdlü İntiqam Muxtarov Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin normal olduğu bildirilir.

VAZ-da olanların Şəmkirin Yeni Həyat və Seyfəli kənd sakinləri olduğu bildirilir.

“Mersedes” in sürücüsü İ. Muxtarovun dediyinə görə, qəzaya səbəb VAZ-ın ikinci dərəcəli yoldan anidən magistral yola çıxması olub.

Faktla bağlı Baş Dövlət Yol Polisi İdarəsində araşdırma aparılır.