Hadisə

Lənkəranda azyaşlını maşın vurdu, sürücü dərhal...

12 Avqust 2016 22:10

Lənkəranda avtomaşın azyaşlı piyadanı vurub.

Publika.az Report-a istinadən xəbər verir ki, avtoqəza Lənkəran rayonunun Xolmili kəndində baş verib. Mersedes markalı 42 BV 737 dövlət qeydiyyat nişanlı, kənd sakini 22 yaşlı Qədirli Yusif Adil oğluna məxsus minik avtomaşını ilə həmin kəndin sakini 3 yaşlı Kazımova Zeynəb Sadiq qızı vurulub.

Piyadanı vuran şəxs təcili olaraq yaralı uşağı Lənkəran Rayon Mərkəzi Xəstəxanasına çatdırıb. Qapalı kəllə-beyin travması və sümük sınıqları ilə reanimasiya şöbəsinə yerləşdirilən azyaşlının vəziyyəti hələ ki, ağır qiymətləndirilir.

Hadisə yerində olanların bildirdiyinə görə hadisə törədən maşının sahibi zərərçəkənlərin qonşusudur. Qəza zamanı avtomaşını kimin idarə etməsi isə hələlik tam dəqiqləşdirilməyib.

Faktla bağlı araşdırma aparılır.