Hadisə

Ərinin həbsinə dözmədi, BOĞAZINI KƏSDİ

17 Avqust 2016 08:17

Türkiyənin Dənizli şəhərində 15 iyul hadisəsindən sonra həbs edilən iş adamının həyat yoldaşı intihara cəhd edib.

Publika.az musavat.com-a istinadən xəbər verir ki, Dənizli Respublika Prokurorluğunun 1 həftə öncə həyata keçirdiyi əməliyyat zamanı həbs olunan 15 iş adamlarından birinin həyat yoldaşı Sevim Servergazi bıçaqla boğazını kəsmək istəyib.

Ailə üzvlərinin xəstəxanaya məlumat verməsi nəticəsində hadisə yerinə dərhal təcili tibbi yardım gəlib. Qadının həyatını xilas etmək mümkün olub. Yaralı qadın dövlət xəstəxanasına yerləşdirilib. İlk tibbi yardım aldıqdan sonra Pamukkale Universitetinin xəstəxanasına aparılıb.

Müşahidə altında saxlanılan iş adamının xanımının vəziyyətinin ciddi olduğu vurğulanır.

Biznesmen xanımının intiharına səbəb isə yoldaşının həbs olunmasıdır. Dənizlidə etiket firması ilə şərik olan iş adamın həbs olunmasını qəbul edə bilməyən xanımı bu yola əl atıb.

Qeyd edək ki, sözü gedən iş adamı FETÖ əməliyyatı zamanı həbs olunub.