Hadisə

Mədən işçiləri nazir köməkçisini qaçırdıb öldürdü

26 Avqust 2016 18:56

Boliviya daxili işlər nazirinin köməkçisi Rodolfo İllanes tətildə olan mədən işçiləri tərəfindən dünən qaçırılaraq öldürülüb.

Publika.az “Reuters”-ə istinadən xəbər verir ki, ölüm hadisəsi ilə bağlı 100-ə qədər adamın həbs olunduğu və məsulların mütləq cəzalandırılacağı da ifadə edilib.

Nazir Karlos Romero dünən televiziya vasitəsilə baş verənlərə münasibətini bildirib: "Bu anda bütün məlumatlar nazir köməkçimiz Rodolfo İllanesin xaincə və alçaqca qətl edildiyini göstərir".

Romero, İllanesin dünən paytaxtdan 100 km uzaqlıqdakı Panduro bölgəsinə gedərək buradakı aktivistlərlə görüşmək istədiyini, lakin mədənçilər tərəfindən qaçırıldıqdan sonra öldürüldüyünü söyləyib.

Etirazçılar daha çox mədən sənədi verilməsini, ətraf qoruma qaydalarının yumşadılmasını, xüsusi şirkətlərdə iş haqqı və peşələrdə daha çox təmsil haqqı istəyirlər.