Hesabat
Dünyada dolların bahalaşdırılması prosesi başladı, neftdən əldə edəcəklərimiz bəlli oldu
Yola saldığımız həftə dünya iqtisadiyyatı dolların revanşı ilə silkələndi. Belə ki, Federal Ehtiyatlar Sisteminin (Federal Reserve System - FED) noyabr ayında keçirilən iclasının protokolu ilə əlaqədar növbəti toplantıda uçot dərəcəsinin artırılmasına dair ciddi mesajlar verdi. O ki qaldı protokolda nəyin qeyd edilməsinə, FED rəhbərliyi uçot dərəcəsinin artırılmasına dair aktiv müzakirələr aparıb və dolların ən yaxın vaxtda bahalaşdırılmasını məqbul hesab edib.
FED-in iclaslarında səsvermə hüququna sahib olan şəxslər uçot dərəcəsinin dekabrda artırılmasını daha məqsədəuyğun sayır.
Bazar iştirakçıları hesab edir ki, yuxarıda qeyd olunanlar
FED-in dekabr ayının 13-14-də keçiriləcək iclasında uçot
dərəcəsinin artırılmasını qaçılmaz edir.
Treyderlər dekabr toplantısında uçot dərəcəsinin artırılması
ehtimalını 100 faiz səviyyəsində qiymətləndirir. Əslində, bütün
bunlardan sonra dollar indeksinin ən yüksək səviyyəyə çatması
gözlənilən idi.
Ötən həftə ABŞ dollarının ölkənin 26 ən iri ticarət tərəfdaşı olan ölkələrin valyutalarına qarşı dəyərini göstərən FED-in ticarət yönümlü dollar indeksi 2002-ci ilin oktyabr ayından bu yana ən yüksək səviyyəyə çatdı. Valyutalar arasında ən böyük zərbəni isə lirə aldı.
Türkiyə milli valyutası son bir ay ərzində 12,7 faiz, son iki
ayda isə 17,7 faiz devalvasiyaya uğradı. Dolların məzənnəsi 3,46
TRY/USD səviyyəsini ötərək tarixi rekord səviyyəyə çatdı.
Türkiyənin Mərkəzi Bankı (TCMB) bir həftəlik “repo” faizlərini 7,5
faizdən 8 faizə, faiz dəhlizinin üst həddini isə 8,25 faizdən 8,5
faizə yüksəltdikdən sonra məzənnə 3,42 TRY/USD-dən 3,37-ə endi.
Lakin Avropa İttifaqının səsverməsi TCMB-nin qərarının valyuta
bazarına təsirini yox etdi.
Qlobal investisiya fondları Donald Trampın ABŞ prezidenti
seçilməsindən bu günə qədər Asiya regionu ölkələrində 11 milyard
dollar həcmində səhm və istiqraz satışı həyata keçirdiyini irəli
sürür.
Satışlara səbəb kimi ABŞ-ın iqtisadi siyasətində dəyişiklik
nəticəsində dolların möhkəmlənməsi göstərilir.
Ekspertlər deyir ki, inkişafda olan ölkələrdən kapital axını
hələ bir müddət davam edəcək:
“Yalnız bundan sonra investorlar yeni prezidentin vergi-büdcə
stimullaşdırması və proteksionist ticarətlə bağlı qərarlarının
icrasını gözləyəcəklər. Yeni iqtisadi qərarlar dolların daha da
möhkəmlənməsinə gətirib çıxara bilər ki, bu da inkişaf etməkdə olan
ölkələr üçün mənfi amildir”.
“Bloomberg”-in hesabatına görə 8 noyabr seçkilərindən sonra, noyabrın 17-dək ən çox xalis kapital axını səhmlərdə (1,5 milyard dollar), istiqrazlarda (1,4 milyard dollar) - cəmi 2,9 milyard dollar - Hindistanda həyata keçirilib.
Tailandda 8-19 noyabr tarixlərində bu, müvafiq olaraq 534 milyon və 2,3 milyard dollar, İndoneziyada 9-18 noyabrda 444,2 milyon və 9-16 noyabrda istiqrazlarda 1 milyard dollar, Cənubi Koreyada 9-18 noyabrda 949 milyon dollar səhmlərdə və 9-17 noyabrda 25,5 milyon dollar istiqrazlarda, Filippində 9-18 noyabrda 171 milyon dollar səhm bazarında, Tayvanda isə 9-18 noyabrda 2,75 milyard dollar səhmlərdə qeydə alınıb. Nəticədə, bu ölkələrin yerli valyutaları devalvasiyaya uğrayıb.
Neft hasilatının dondurulması yönündə müzakirələrdən də xəbər
var, Venesuela yaxın həftələrdə neft hasilatının
sabitləşdirilməsinə dair sazişin əldə olunmasını zəruri hesab edir,
əks təqdirdə, qiymətlər qeyri-sabit olacaq. Bu barədə ölkənin Neft
Nazirliyinin “Twitter” səhifəsində qeyd olunur.
“Biz OPEK-in nazirlər görüşündən sonra istəyirik ki, yüksək
səviyyədə – liderlər səviyyəsində müqavilə imzalayaq. Əgər biz
yaxın həftələrdə razılığa gələ bilməsək, qiymətlərdə balans
pozulacaq. Hazırda məqsəd ən vacibi Rusiya olan bütün qeyri-OPEK
ölkələrini bu işə daxil etməkdir”, - deyə məlumatda bildirilir.
İş dünyası
“Shell” şirkəti (Böyük Britaniya - Niderland) Şotlandiyanın Qlazqo bölgəsində əməliyyatlarını dayandırması 380 iş yerinin bağlanması ilə nəticələnəcək.
İxtisarlar neftin qiymətinin aşağı olması fonunda həyata
keçirilir. Bu isə Şimal dənizində neft hasilatı ilə bağlı minlərlə
işçinin ixtisar edildiyi bir vaxtda Şotlandiya iqtisadiyyatına
əlavə zərbə deməkdir.
"Shell" bildirir ki, Qlazqoda 2018-ci ilin sonunadək maliyyə
əməliyyatının dayandırılması barədə qərar rəqabətə dözmək üçün
çətin seçimdir.
Xatırladaq ki, 2014-cü ilin ortalarında neftin bir barelinin
qiyməti 100 dollardan çox, bu ilin əvvəlində isə 30 dollardan az
olub. Son nəticədə şirkətlər yeni layihələrə sərmayəni kəskin
azaldıb.
Beynəlxalq Enerji Agentliyi (BEA) bildirir ki, 2014-cü ildə “qara
qızıl” bazarına 780 milyard ABŞ dolları (624 milyard ingilis funtu)
pul qoyulduğu halda, 2015-ci ildə bu rəqəm 200 milyard dollar
(160,5 milyard funt) azalıb. Bu il isə daha 140 milyard dollarlıq
(112 milyard funtluq) azalma gözlənilir.
Dünyanın aparıcı proqram təminatı şirkəti “Oracle Corp” qlobal internet performansını, trafikini izləyən və istiqamətləndirən “Dyn” şirkətini satın aldığını bildirir. Ancaq “Oracle” satınalmanın qiyməti barədə məlumat vermir. Mövzuya yaxın mənbələrə görə isə “Oracle” bu satınalma üçün 600 milyon dollardan bir qədər çox məbləğ ödəyib.
Azərbaycan
Gəldilk çıxdıq öz ölkəmizə...
Xarici dövlətlərə verilmiş kreditlərdən Azərbaycanın dövlət
büdcəsinə 2017-ci il 50,8 milyon manat həcmində vəsait daxil
olacaq. Bu barədə 2017-ci ilin büdcə zərfinə istinadən xəbər
verilir.
Xarici dövlətlərə verilmiş kreditlər üzrə büdcəyə daxilolmaların
2016-ci ilin analoji proqnozu ilə müqayisədə 39 faiz artacağı
nəzərdə tutulub. Xarici dövlətlərə verilmiş kreditlərdən
daxilolmaların büdcə gəlirlərində xüsusi çəkisi 0,3 faiz təşkil
edəcək.
Qeyd edək ki, 2017-ci il dövlət büdcəsinin gəlirləri 15 955,0 milyon manat məbləğində proqnozlaşdırılır. Bu, 2015-ci ilin icra göstəricisi ilə müqayisədə 1 543,0 milyon manat və ya 8,8 faiz, 2016-cı ilin proqnoz göstəricisi ilə müqayisədə isə 867,0 milyon manat və ya 5,2 faiz azdır. 2017-ci ildə dövlət büdcəsi gəlirlərinin ÜDM-ə nisbətinin 26,0 faiz təşkil edəcəyi proqnozlaşdırılır.
“Neftin qiyməti aşağı düşsə də, Azərbaycanda hələ də neft hasil
edilir və Azərbaycan yenə də neft gəlirləri əldə edəcək”. Bunu isə
Azərbaycan Dövlət Neft Fondunun (ARDNF) icraçı direktoru Şahmar
Mövsümov deyir. Onun sözlərinə görə, indiyə qədər rəhbərlik etdiyi
qurumun neft-qaz satışından gəliri 120 milyard dollar olub:
“Yaxın 15-20 il ərzində isə Fonda bu sahədən daha 100 mlrd. dollar
daxil olacağını gözləyirik”.
Məndən bu qədər...
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO