İdman
Azərbaycanlı tennisçi finalda amerikalı rəqibini məğlub etdi - FOTO
29 aprel - 13 may tarixlərində Bakı Tennis Akademiyasında Heydər Əliyevin xatirəsinə həsr olunmuş yeniyetmələr arasında beynəlxalq reytinqli tennis turniri keçirilib.
Publika.az xəbər verir ki, 32 idmançının iştirak etdiyi turnirin qalibi həmyerlimiz Kənan Qasımov olub.
14 yaşlı tennisçimiz rusiyalı, ukraynalı və qazaxıstanlı yaşıdlarına qalib gələrək finala yüksəlib. Finalda amerikalı Stefan Joromski ilə qarşılaşan Kənan bu görüşdə də qələbə qazanaraq turnirin qalibi olub.
Tennis üzrə 10 qat Azərbaycan çempionu Tələt Rəhimovun tələbəsi olan Kənan Qasımov daha əvvəl Azərbaycan və Bakı birinciliyinin qalibi olub.
O, yarışla bağlı təəssüratlarını bölüşüb: "Yarış gərgin keçdi. Ötən həftə keçirilən beynəlxalq turnirin yarımfinal görüşündə zədə almışdım. Buna baxmayaraq, bu turnirdən əvvəl qarşıma məqsəd qoydum ki, birinci olacağam. Qalib gəldiyim üçün çox sevinirəm. Çalışacağam ki, başqa ölkələrdə keçirilən yarışlarda da bu nəticəni təkrarlayım. Hazırda qarşıma qoyduğum məqsəd yaşıdlarım arasında reytinqimi yüksəldərək "100-lüy"ə, daha sonra "Top 50"yə daxil olmaqdır. Gələcəkdə isə Roje Federer kimi məşhur tennisçi olmaq, "Australian Open", "Wimbledon" kimi tunirlərdə ölkəmizi təmsil etmək istəyirəm".
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?