Qadınları əlcək kimi dəyişən futbol dahisi

Fransız futbolu dünyanın ən çoxmillətli yığması hesab olunur. Komandanın yarısını Afrika əsilli oyunçular təşkil edir. Millidə çıxış edən ən məşhur futbolçulardan biri də Kərim Benzemadır. O, təkcə meydanda deyil, meydandan kənarda da diqqəti cəlb edən inanılmaz oyunçudur.

Publika.az oxucuları Kərim Benzamının bioqrafiyası ilə tanış edir.

Dosye

19 dekabr 1987-ci ildə 9 uşaqlı yoxsul bir ailədə dünyaya göz açan Kərim hələ kiçik yaşlarından futbolla maraqlanmağa başlayıb. Ailəsi oğlanın təhsilinə demək olar ki, nəzarət etmirdi, ümumiyyətlə onun dərslərini əla oxuduğunu demək olmazdı. Odur ki, Kərim futbola köklənmişdi. İllər sonra məlum oldu ki, o, futbolçu seçməklə uduzmayıb. Lakin mühacir ailəsi üçün Lionun ən problemli məhəllələrindən birində - Bronda məskunlaşmaq asan olmadı. Əlcəzair mənşəli məşhur digər uşaqlarla ünsiyyət qurmaqdan problemlər yaşayırdı. Üstəlik kök olduğu üçüb tez-tez məktəb yoldaşlarının acı tənələrinə məruz qalırdı. Lakin zaman keçdikcə Benzema dəyişdi, yemək vərdişlərini dəyişdi və bir qədər arıqladı.

“Lion”un yeni ulduzu

1997-ci ildə Kərim Benzema Fransanın ən böyük klublarından biri olan "Lion"un diqqətini cəlb etdi və uşaq futbol akademiyasına qəbul olundu. Burada o, topu idarə etmə məharəti ilə seçilirdi. Amma o dövrdə klubun öz ulduzları var idi, buna görə də istedadlı gənc 17 yaşına kimi sırf “Lion”un gənclər komandalarında çıxış edirdi. Benzema ehtiyat oyunçular skamyasında oturmağa davam etsə də, əlbəttə ki, bu, uzun müddət davam etmədi. O, yavaş-yavaş Fransanın ən güclü komandalarından birinin əsas komandasında yer almağa başladı və sonda onun əvəzedilməz oyunçusuna çevrildi. Həmin dövrdə Fransanın gənclərdən ibarət yığma komandasının heyətində Avropa çempionu olan Kərim Benzemanı məşhur futbolçu David Trezeqe ilə müqayisə edirdilər. Lakin onun göstərdiyi parlaq oyununu görən futbol mütəxəssisləri sonrakı illərdə bu istedadlı gənci həmyerlisi Zinəddin Zidanla müqayisə etməyə başladılar. Tədricən “Lion”un heyətində möhkəmlənən Benzema 2007-2008-ci illər mövsümündə Fransa çempionatında 20 top vuraraq bombardir oldu. Daha sonra Avropanın tanınmış futbol klubları “Real”, “Yuventus”, “Liverpul” və “Çelsi” gənc ulduzun transferi üçün hərəkətə keçdilər. Benzema onların transfer təklifini rədd etdi və bildirdi ki, “Lion” Çempionlar liqasının qalibi olmayana kimi komandamı tərk etmək fikri yoxdur.

“Real”a gəlişi

2008-2009-cu illər mövsümündə Fransa çempionatında Benzema 36 oyunda rəqib qapısından 17 top keçirərək yenidən bombardirlər sırasına daxil oldu. Ümumiyyətlə “Lion”da oynadığı 149 oyunda Benzema rəqib qapılarından 66 top keçirib. Benzema “Lion”u tərk etmək istəməsə də, klub rəhbərliyi 2009-cu ildə “Real Madrid”in 35 milyon avroluq transfer təklifindən imtina edə bilmədi. Beləliklə klub rəhbərliyi Kərim Benzemanı “Real”a transfer olunmağa razı saldı. 2009-cu il iyul ayının 1-də Benzemanın 35 milyon avroya “Lion”dan “Real” Madridə transfer edilməsi barədə iki klub arasında rəsmi anlaşma imzalandı. Benzemanın “Real”dan alacağı illik gəliri 6,5 milyon avro təşkil edirdi.

2010-2011-ci illər mövsümündə “Real”ın heyətində Benzema 48 oyunda rəqib qapısına 26 top vurdu. O mövsüm ərzində üç oyunda (hər oyunda 2 top) rəqib qapısından 2 top keçirərək dubl etdi. Ümumiyyətlə 2009-2015-ci illər mövsümündə Benzema “Real” Madridin heyətində 281 oyunda meydana çıxıb və rəqib qapılarından 133 top keçirib. Bütün karyerası ərzində isə Kərim Benzema 450 oyunda oynayaraq 214 dəfə rəqib toruna qol vurub. Benzema 2011, 2012 və 2014-cü illərdə Fransada ilin futbolçusu elan edilib. 2022-ci ilin avqustunda Kərim UEFA Superkuboku matçında “Ayntraxt Frankfurt”a qol vurdu və əfsanəvi Raulu keçərək klub tarixində ikinci “Real Madrid”in bombardiri oldu (324 qol).

Benzema Londonun “Arsenal” klubunun transfer təklifini qəbul etdiyini, Arsen Venqerin komandasında oynamaq və karyerasını İngiltərədə davam etdirmək istədiyini elan etdi. Buna səbəb Arsen Venqerin fransız olması və Benzemaya komandada istədiyi şəraiti yaratmasını vəd etməsi idi. Lakin “Real” Madrid futbolçunun istəyinin əksinə gedərək onun “Arsenal”a keçməsinə razılıq vermədi. “Real” 34 yaşlı hücumçunun yeni sözləşməsi yenilədi və müqaviləni 2023-cü ilin yayınadək uzatdı.

Fransa yığmasındakı fəaliyyəti

O, 2007-ci ildə 19 yaşında millidə debüt edib və növbəti il ​​Avropa çempionatına yollanıb. Benzema 2012-ci il Avropa çempionatında da iştirak edib, lakin Fransa bu turnirlərin heç birində qalib gələ bilməyib. O, bu günə kimi millinin heyətində 35 rəsmi oyun keçirib və bu oyunda 9 qol vurub.

Benzema əsrin ən yaxşı fransız hücumçularından biri olmasına baxmayaraq, son 6 ildə milli komandada oynamayıb. Səbəblərin idmanla heç bir əlaqəsi yoxdur. 2015-ci ilin payızında o, komanda yoldaşı, “Lion”un yarımmüdafiəçisi Matye Valbuenanı şantaj etməkdə ittiham olunurdu. Bildirilib ki, Kərimin əlində həmyerlisinin iştirakı ilə intim xarakterli video olub. Benzema milli komandaya yalnız 2021-ci ilin mayında qayıdıb və koronavirus səbəbilə təxirə salınmış 2020-ci il Avropa çempionatında iştirak edib.

Kərim 2022-ci ildə Qətərdə keçiriləcək futbol üzrə dünya çempionatı üçün Fransa yığmasının heyətində çıxış edir. Lakin noyabrın 20-də məlum oldu ki, hücumçu zədələndiyi üçün turniri buraxacaq. 34 yaşlı fransıza sol bud əzələsinin zədələnməsi diaqnozu qoyulub.

Şəxsi həyat

Futbolçunun iki övladı var. 2014-cü ilin fevralında onun keçmiş sevgilisi Xloe de Launaydan Madriddə Melia adlı qızı, 2017-ci ildə isə Kərimin yeni sevgilisi Kora Qotyedən oğlu İbrahim dünyaya gəlib.

Kərim Benzemanın hazırda kiminlə görüşdüyü bilmək istəsəniz, xəyal qırıqlığına düşəcəksiniz. Sevdiyi xanımla uzun müddət birlikdə yaşayan və ya evlənən əksər futbolçulardan fərqli olaraq, Kərim tələsmir. Üstəlik qızları əlcək kimi dəyişir. İnformasiya məkanında baş qəhrəmanın müxtəlif sevgi hekayələri və onlarla fotolarına rast gəlmək mümkündür. Təbii ki, bu, ona başucalığı gətirmir, bir çox hallarda oyunçunun sərgüzəştləri ciddi qalmaqallarla başa çatır. Bunlardan ikisi mediada xüsusilə böyük səs-küy gətirmişdi.

Benzemanın yetkinlik yaşına çatmayan fahişə ilə əlaqəsi

2010-cu ildə Fransada yaşanan qalmaqal bütün Avropanı bürüdü. Fransa millisinin iki futbolçusu Kərim Benzema və Frank Riberi yetkinlik yaşına çatmayan fahişə ilə cinsi əlaqədə olmaqda ittiham olunurdular. Futbolsevərlər yəqin ki, onun adının Zahia Dehar olduğunu bilirlər, o, yerli polis reydlərindən birində saxlanıldı, və Riberi ilə Benzema kimi məşhur simalarla cinsi əlaqədə olduğunu təsdiq etdi. Frank dərhal olanları etiraf etdi, Kərim isə uzun müddət təkzib etdi. Onlarla keçirilən məhkəmə iclasından sonra çoxları Fransa millisinin iki ən məşhur futbolçusunun həbs olunacağını düşünürdü, lakin iş 2014-cü ilin əvvəlində gözlənilmədən bitdi. Yanvar ayında nə Zahia, nə də hər iki oyunçunun iştirak etdiyi yekun məhkəmə iclası təyin olundu. Nəticədə, onların hər ikisi təqsirli bilinmədi, çünki Zahiya ilə cinsi əlaqədə olarkən onun yetkinlik yaşına çatmadığını bilməyiblər. Ancaq xoşagəlməz qalmaqal uzun müddət dillərdən düşmədi, uşaqlıqdan müsəlman adətləri ilə tərbiyə olunan Kərimin macəraları onu İslam ölkələrində gözdən saldı.

Kərimin transgenderlə əlaqəsi

Zahia ilə qalmaqal sona çatar-çatmaz Benzema başqa bir seksual qalmaqalın mərkəzinə düşüdü. Bu dəfə futbolçuya qarşı heç bir ittiham irəli sürülməsə də, bütün dünya 2013-cü ildə Benzemanın transseksual fahişə Viktoriyanın xidmətindən dəfələrlə istifadə etdiyi xəbərini eşitdi. Benzema bir transseksualla münasibətə girdiyini, hətta bunun onda daha çox təəssürat yaratdığını bildirdi. Amma ən böyük şok o oldu ki, Kərim Viktorira ilk gecə üçün 2 min avro, ikinc gecə üçünsə 6 min avro ödəyib. Maraqlıdır ki, futbolçunu erkən uşaqlıqdan böyüdən xəstə nənəsinin əməliyyatı üçün min yarım avro tapılmadığı barədə məlumatlar yer alırdı. Başqa bir iddiada qeyd olunurdu ki, Kərim ondan yardım istəyən qohumlarına heç bir dəstək göstərmir. Futbol ekspertləri inkar etmir ki, Benzema meydanda əsl futbol dahisidir, amma onun şəxsi gəlincə, azarkeşlər bu barədə düşünməsə, yaxşıdır...

Aytən Məftun