"Qarabağ"dan tarixi qələbə - VİDEO \ FOTO (YENİLƏNDİ)

"Qarabağ" UEFA Avropa Liqasının pley-off mərhələsində ilk oyununu keçirib.

Publika.az xəbər verir ki, Qurban Qurbanovun baş məşqçisi olduğu komanda Portuqaliyada "Braqa"nın qonağı olub.

Qarşılaşma Azərbaycan təmsilçisinin inamlı qələbəsi ilə bitib - 4:2. "Köhlən atlar"ın qollarını 21-ci dəqiqədə Marko Yankoviç (pen), 54 və 69-cu dəqiqələrdə Abdullah Zubir, 65-ci dəqiqədə Olavio Juninyo vurublar.

Meydan sahiblərində 44-cü dəqiqədə Simon Banza, 90+1-ci dəqiqədə Joau Moutinyu (pen) fərqləniblər.

Qeyd edək ki, tərəflər arasında cavab görüşü fevralın 22-də Tofiq Bəhramov adına Respublika stadionunda gerçəkləşəcək.

xxx

Portuqaliyada "Braqa" və "Qarabağ" komandaları arasında keçirilən UEFA Avropa Liqasının pley-off mərhələsinin ilk oyununda dördüncü qol vurulub.

Publika.az xəbər verir ki, Azərbaycan təmsilçisi 65-ci dəqiqədə hesab arasındakı fərqi iki topa çatdırıb.

"Köhlən atlar"ın heyətində Olavio Juninyo fərqlənib.

xxx

01:26

Portuqaliyada "Braqa" və "Qarabağ" komandaları arasında keçirilən UEFA Avropa Liqasının pley-off mərhələsinin ilk oyununda üçüncü qol vurulub.

Publika.az xəbər verir ki, Azərbaycan təmsilçisi 54-cü dəqiqədə yenidən hesabda önə keçib - 2:1.

Abdullah Zubir adını tabloya yazdırıb.

xxx

00:46

Portuqaliyada "Braqa" və "Qarabağ" komandaları arasında keçirilən UEFA Avropa Liqasının pley-off mərhələsinin ilk oyununda ikinci qol vurulub

Publika.az xəbər verir ki, meydan sahibləri 44-cü dəqiqədə tarazlığı bərpa ediblər - 1:1.

Komandanın heyətində Simon Banza fərqlənib.

00:21

xxx

00:21

Portuqaliyada "Braqa" və "Qarabağ" komandaları arasında keçirilən UEFA Avropa Liqasının pley-off mərhələsinin ilk oyununda hesab açılıb.

Publika.az xəbər verir ki, 21-ci dəqiqədə Azərbaycan təmsilçisinin heyətində Marko Yankoviç penaltini dəqiq yerinə yetirib.

xxx

00:00

Bu dəqiqələrdə UEFA Avropa Liqasının pley-off mərhələsinin ilk oyunu çərçivəsində "Qarabağ" səfərdə "Braqa" ilə qarşılaşır.

Publika.az xəbər verir ki, bu qarşılaşmanın Azərbaycan futbol ictimaiyyətinin nümayəndələri bir arada izləyir.

Peşəkar Futbol Liqasının təşəbbüsü ilə "28 MALL"da yerləşən kino zalında matçın yayımı təşkil edilib.

AFFA, PFL rəsmiləri, futbol veteranları, Premyer liqa, 1-ci və 2-ci Liqa klublarının rəsmiləri və jurnalistlər tarixi qarşılaşmanı bir arada izləyirlər.

Heybət Məmmədov