İdman

İsveç millisini Bakıya görün kim gətirəcək

27 Fevral 2024 11:30

Əfsanəvi danimarkalı hücumçu Yon Dal Tomassonun İsveç millisinin baş məşqçisi təyin olunub.

Publika.az xəbər verir ki, bu barədə İsveç Futbol Assosiasiyası məlumat yayıb.

47 yaşlı mütəxəssis martın 1-də vəzifəsinin icrasına başlayacaq. Tomasson tarixdə İsveç millisinin baş məşqçisi kimi fəaliyyət göstərən ilk əcnəbi olub.

İsveç yığmasının baş məşqçisi kimi Tomasson komandanı Avro-2024-ə çıxara bilmədikdən sonra 7 illik fəaliyyət dövrü keçən il başa çatan Yanne Anderssonu əvəzləyib.

Tomasson fevral ayında “Blekbern”in baş məşqçi vəzifəsindən qovulub. O, 2022-ci ilin iyun ayından İngiltərə klubuna rəhbərlik edirdi.

Qeyd edək ki, UEFA Millətlər Liqasının C divizionun 1-ci qrupunda yer alan Azərbaycan millisinin rəqibləri arasında İsveç də var. Bu komandalar Avro-2024-ün seçmə mərhələsində də eyni qrupda mübarizə aparıb. Yığmamız skandinavlara səfərdə 5:0 hesabı ilə uduzsa da, Bakıda 3 cavabsız qolla qalib gəlib.

Heybət