İdman

Zidan bütün təklifləri rədd edir: Bu iki komandaya görə

24 Dekabr 2024 13:23

Fransız məşqçi Zinəddin Zidan yaxın vaxtlarda məşqçiliyə qayıtmaq niyyətində deyil.

Publika.az xəbər verir ki, bu barədə “Marca” məlumat yayıb.

Mənbənin sözlərinə görə, Zidanla dəfələrlə “Mançester Yunayted”, “Yuventus”, PSJ və “Bayern” maraqlanıb. Amma o, bütün hallarda bu klublarda çalışmaqdan imtina edib.

İddia olunur ki, bu qərara səbəb Zidanın özünü "Real"dan başqa heç bir komandanın başında görməməsi olub. Eyni şey milli komandalara da aiddir, məşqçi yalnız Fransa millisinə rəhbərlik etməyə hazırdır.

Qeyd edək ki, Zidan klub səviyyəsində yalnız Madrid klubunda çalışıb. Komandaya rəhbərlik etdiyi 2016-2018 və 2019-2021-ci illərdə 3 dəfə UEFA Çempionlar Liqasının, 2 dəfə La Liqanın, İspaniya kubokunun, UEFA Superkubokunun və klublararası dünya kubokunun qalibi olub.

Heybət