Qış fasiləsi bitir: Yeni ildə siftəni "Qarabağ" edəcək

Bu gün Azərbaycan Premyer Liqasında qış fasiləsi başa çatacaq.

Publika.az xəbər verir ki, komandalar yeni ildəki ilk oyunlarını 19-cu tur çərçivəsində keçirəcəklər. İlk oyun günündə bir görüş baş tutacaq. Lider “Qarabağ” Tofiq Bəhramov adına Respublika Stadionunda “Şamaxı”nı qəbul edəcək.

Yanvarın 18-də iki görüş baş tutacaq. “Zirə” “Araz-Naxçıvan”ı, “Sumqayıt” – “Səbail”i qəbul edəcək.

19-cu tura yanvarın 19-da, bazar günü keçiriləcək matçlarla yekun vurulacaq. Tovuzda Qərb derbsi çərçivəsində “Kəpəz” və “Turan Tovuz” üz-üzə gələcək. Başqa bir prinsipial matç “Neftçi” ilə “Sabah” arasında baş tutacaq.

Azərbaycan Premyer Liqası, 19-cu tur
17 yanvar (cümə)
19:00 “Qarabağ” – “Şamaxı”
Hakimlər: Elçin Məsiyev, Pərvin Talıbov, Asiman Əzizli, Fərid Hacıyev
Tofiq Bəhramov adına Respublika Stadionu.

18 yanvar (şənbə)
16:00 “Zirə” – “Araz-Naxçıvan”
Zirə İdman Kompleksinin stadionu.

18:30 “Sumqayıt” – “Səbail”
Hakimlər: İnqilab Məmmədov, Namiq Hüseynov, Rahil Ramazanov, Kamran Əliyev
Mehdi Hüseynzadə adına Sumqayıt şəhər stadionu.

19 yanvar (bazar)
16:00 “Kəpəz” –“ Turan Tovuz”
Hakimlər: Rəvan Həmzəzadə, Cəmil Quliyev, Kamran Bayramov, Əli Əliyev
Tovuz şəhər stadionu.

18:30 “Neftçi”– “Sabah”
Hakimlər: Kamal Umudlu, Vüsal Məmmədov, Müslüm Əliyev, Əkbər Əhmədov
AFFA nümayəndəsi: Elgiz Abbasov
“Neftçi Arena”.

Heybət