Braziliya millisinin əfsanələri Qazaxıstana gedirlər - Səbəb nədir?

Aprelin 2-3-də Almatıda idman marketinqi və biznesi üzrə beynəlxalq Meta Sport Forumu keçiriləcək.

Publika.az xəbər verir ki, tədbirdə yerli idman ictimaiyyətinin nümayəndələri, Avropa və Amerikadan dəvət olunmuş məruzəçilər ilə panel müzakirələri və keys sessiyaları keçiriləcək.

Eyni zamanda əfsanəvi Braziliya milli futbol komandasının oyunçuları, 2002-ci ilin dünya çempionları Roberto Karlos və Kafu da Almatda təbdirdə iştirak edəcəklər. Tədbirdə iştirak edən digər ulduz natiqlər arasında “Liverpul”un keçmiş SEO-su Piter Mur, “Barselona”nın keçmiş rəqəmsal direktoru Enrik Yopart, keçmiş marketinq direktoru Quilyem Qrael və “Barca Studios” rəqəmsal məzmun platformasının keçmiş direktoru Pako Latorre də var.

Kafu həmçinin “First National Sports and Business Awards Metaratings Top Awards”da xüsusi qonaq olacaq. Tədbir aprelin 3-də baş tutacaq.

Mərasim çərçivəsində ən yaxşı idmançılar və məşqçilər, menecerlər və idman təşkilatları, jurnalistlər və blogerlər, həmçinin idman biznesi və bukmeker kontorlarının nümayəndələri layiqli mükafatlar alacaqlar.