İdman

Deşam Azərbaycanla oyun haqda danışdı: Düşünürsünüz ki, qazanacağıq, amma...

7 Oktyabr 2025 09:54

“Mən yaxşı başa düşürəm, siz düşünürsünüz ki, biz oyunu qazanacağıq. Amma bu, rəqibi ciddiyə almamaq demək deyil”.

Publika.az xəbər verir ki, bu sözləri Fransa milli komandasının baş məşqçisi Didye Deşam DÇ-2026-nın seçmə mərhələsində doğma meydanda Azərbaycan yığması ilə baş tutacaq oyun haqqında danışarkən deyib. O, Azərbaycan millisini təhlil etdiklərini bildirib:

“Əlbəttə, biz onları müdafiəyə məcbur edəcəyik, bu mümkündür. Bu 3 xal sentyabrda qazandığımız 6 xal qədər vacibdir. Mən rəqib komandanı böyük ehtiras və dəqiqliklə təhlil edən Texniki Direktorluğun mütəxəssislərinə güvənirəm. Məqsəd həm kollektiv, həm də fərdi baxımdan maksimum məlumat əldə etməkdir. Azərbaycan millisinin oyunları izlənilir Bu, yüksək səviyyəyə məxsus bir xüsusiyyətdir – hörmət və təvazökarlığa sahib olmaq”.

Qeyd edək ki, Fransa - Azərbaycan matçı oktyabrın 10-da Parisin “Park de Prins” stadionunda keçiriləcək. Qarşılaşma Bakı vaxtı ilə saat 23:00-da başlayacaq.

Heybət