İdman

Alonso nəhənglərin hədəfində olan Arda ilə bağlı bu qərarı verdi

9 Oktyabr 2025 17:34

"Real"ın və Türkiyə millisinin yarımmüdafiəçisi Arda Güler İngiltərə Premyer Liqası klublarının ciddi marağına baxmayaraq, karyerasını İspaniyada davam etdirəcək.

Publika.az xəbər verir ki, bu barədə "TeamTalk" məlumat yayıb.

20 yaşlı istedadla “Arsenal” və “Nyukasl” maraqlansa da, Madrid klubunun baş məşqçisi Xabi Alonso onun komandadan ayrılmasına icazə vermək fikrində deyil.

“Hazırda Güleri transfer etmək mümkün deyil. Alonsonun gəlişindən sonra Arda daha çox etimad qazanıb və meydanda bunu qollar və ötürmələrlə doğruldub. O, həm “Real”da, həm də Türkiyə millisində yüksək səviyyəli futbolçudur. Klubla uzunmüddətli müqaviləsi var”, – deyə jurnalist Pit O’Rurk bildirib.

Mənbənin məlumatına görə, “Real” qışda heç bir vacib oyunçusunu satmağı planlaşdırmır, çünki komanda eyni vaxtda üç turnirdə – La Liqada, Çempionlar Liqasında və İspaniya Kubokunda mübarizə aparır.

Heybət