İdman

Azərbaycan kuboku: 8 qolla mərhələ adladı

9 Oktyabr 2025 17:49

Futbol üzrə Azərbaycan kubokunda 2025/26 mövsümünə start verilib.

Publika.az xəbər verir ki, bu gün 1-ci təsnifat mərhələsinin ilk oyunları keçirilib.

Bu gün 4 qarşılaşma baş tutub. "Qaradağ Lökbatan" "Ağdaş"ı 8:0 hesablı qələbə ilə üstələyərək mərhələ adlayıb. "Şəki Siti" "Araz Saat"lını, "Dinamo" "Kür-Araz"ı 3:2 hesabı ilə məğlub edib. "Ağstafa Gəncləri"nə mərhələ adlamaq üçün "Şirvan"la görüşdə bir qol vurmaq kifayət edib.

Qeyd edək ki, birinci təsnifat mərhələsinin digər matçları oktyabrın 10-da baş tutacaq. "Göygöl" "Şəmkir"i, "Quba" "Xankəndi"ni qəbul edəcək. Hər iki görüş saat 14:00-da başlayacaq.

Azərbaycan kuboku, 1-ci təsnifat mərhələsi
9 oktyabr
Ağstafa Gəncləri - Şirvan 1:0
Qaradağ Lökbatan - Ağdaş 8:0
Şəki Siti - Araz-Saatlı 3:2
Dinamo - Kür-Araz 3:2-ə/v

Heybət