Ən perspektivli futbolçuların adı açıqlandı: MDB-dən 3-ü var, Azərbaycandan isə...

"The Guardian" nəşri 2008-ci il təvəllüdlü ən perspektivli 60 futbolçunun siyahısını dərc edib.

Publika.az xəbər verir ki, siyahıda MDB-dən 3 futbolçunun adı yer alıb. Bunlar Qazaxıstanın “Kayrat” klubunun hücumçusu Dastan Satpaev, Tbilisi “Dinamo”sunun müdafiəçisi Saba Xarebaşvili və Özbəkistanın “Bunyodkor” klubunun hücumçusu Sadriddin Xasanovdur.

Türkiyədən 2 futbolçunun perspektivi yüksək qiymətləndirilir. Söhbət “Kayserispor”da çıxış edən Deniz Dönmezer və “Qalatasaray”ın üzvü olan Furkan Koçakdan gedir.

Bundan əlavə, siyahıya “Barselona”dan iki oyunçu, cinah hücumçusu Toni Fernandes və yarımmüdafiəçi Niko Qillen, Almaniyanın “Borussiya Dortmund” klubundan hücumçu Samuel İnasiо, “Bayern”in yarımmüdafiəçisi Karl Lennart və PSJ-nin hücumçusu İbrahim Mbayə daxil edilib.

Təbii olaraq siyahıda heç bir azərbaycanlı futbolçunun adı yoxdur.

Qeyd edək ki, İbrahim Mbayə cari mövsümdə Paris klubunda bütün turnirlərdə 9 oyun keçirib və bunlardan biri Çempionlar Liqasının liqa mərhələsinin 2-ci turunda “Barselona”ya qarşı start heyətdə oynadığı görüş olub - 2:1.

Heybət