İdman

Keyn Haalanda çatdı

12 Yanvar 2026 17:27

“Bayern”in ingilis hücumçusu Harri Keyn “Volfsburq”la görüşdə (8:1) fərqlənməklə 2025/26 mövsümündə Avropanın "top-5" çempionatlarda vurulan qolların sayına görə “Mançester Siti”nin norveçli forvardı Erlinq Haalandı yaxalayıb.

Publika.az xəbər verir ki, hazırda hər iki futbolçunun aktivində 20 qol var. “Real”ın fransız hücumçusu Kilian Mbappe isə onlardan iki qol geri qalır – 18.

Qeyd edək ki, Haaland və Mbappe bu həftəsonu göstəricilərini artıra bilməyiblər. Belə ki, “Mançester Siti” İngiltərə Kubokunda, “Real” isə İspaniya Superkubokunda çıxış edib.

2025/26 mövsümündə Avropanın "top-5" çempionatının ən məhsuldar futbolçuları:

20 – Erlinq Haaland (Mançester Siti)
20 – Harri Keyn (Bayern)
18 – Kilian Mbappe (Real)
16 – İqor Tiaqo (Brentford)
11 – Meyson Qrinvud (Marsel)
11 – Ferran Torres (Barselona)
11 – Vedat Muriki (Mallorka)
10 – Xoakin Paniçelli (Strasburq)
10 – Lautaro Martines (İnter)
10 – Antuan Semenyo (Bornmut)

Heybət