Kokain qalmaqalı: Onu müdafiə etdi

Cozef Parkerin meneceri Spenser Braun boksçu ilə bağlı dopinq qalmaqalından danışıb.

Publika.az xəbər verir ki, onun sözlərini “BoxNation” sitat gətirib. “Biz bütün bu antidopinq sistemində daha qətiyyətli olmalıyıq. Tez hərəkət etməliyik, çünki hazırda bir neçə boksçu qeyri-müəyyənlik vəziyyətindədir – bu, onların psixi sağlamlığı üçün çox zərərlidir, xüsusən də gəncsənsə”.Cozef Parkerin vəziyyətində mən tamamilə onun tərəfindəyəm – o, heç bir dərman qəbul etmirdi. Ümid edirəm ki, bu sonsuza qədər davam etməyəcək və cəmiyyət həqiqəti öyrənəcək.

Onun 34 yaşı var və kim bilir, əgər həmin yumruqdan yayınsaydıUardliyə qarşı mübarizə necə bitərdi. Mən onu yenidən rinqdə görmək istəyirəm”, – Braun deyib.

Xatırladaq ki, Uardli ilə Parker arasında döyüş oktyabrın 25-də Londonda baş tutub. Döyüşdə autsayder hesab edilən britaniyalı boksçu vaxtından əvvəl yeni zelandiyalını məğlub etməyi bacarıb.

Döyüşdən sonra götürülən dopinq test Parkerin orqanizmində kokain aşkarlayıb.