Finalı idarə etdi, azarkeşlərin sevimlisinə çevrildi: Bu gözəl kimdir? - FOTOLAR

Qadın hakim Aqustina Lus Matrella Argentina futbolunun tarixinə düşməklə yanaşı, sosial şəbəkələrdə də azarkeşlərin diqqətini cəlb etməyi bacarır.

Publika.az xəbər verir ki, o, Regional Tres-Lomas Liqasının final oyununu idarə edən ilk qadın hakim kimi tarixə düşüb. Matrella “Atletiko Kenuma” ilə “Atletiko Arxentino” arasında keçirilən və 1:0 hesabı ilə başa çatan həlledici qarşılaşmada baş hakim olub.

Lakin ona olan maraq təkcə meydandakı fəaliyyəti ilə məhdudlaşmayıb. Hakimin "Instagram"da paylaşdığı futboldan kənar, xüsusilə dəbli obrazlarda çəkilmiş fotoları izləyicilər arasında böyük rezonans doğurub və çoxsaylı təriflər alıb.

Final matçı ilə bağlı danışan Matrella qeyd edib ki, 90 dəqiqəlik oyunun arxasında çox böyük zəhmət dayanır. O, həmçinin etiraf edib ki, idman yeniyetmə yaşlarından onun üçün mühüm əhəmiyyət kəsb edib.

İki il yarım əvvəl Argentina Futbol Assosiasiyasının sertifikatlı hakimi statusunu alan Aqustina Lus Matrellanın Cənubi Amerika futbolunda nə qədər uğurlu olacağı maraq doğurur.

Publika.az