“Red Bull”dan “fırıldaq edirlər” iddiasına CAVAB

“Red Bull”un mühərrik konstruksiyasının rəhbəri Ben Hodqkinson “Mercedes”in yeni reqlamentdən yan keçməsi ilə bağlı şayiələri şərh edib.

Publika.az xəbər verir ki, qaydalara görə, yeni Formula 1 güc bloklarının daxiliyanma mühərriklərinin silindrlərində sıxılma nisbəti 16:1-dən çox olmamalıdır. “Mercedes” mühərrikinin iş temperaturunda 18:1-ə qədər sıxılma nisbətinə nail olduğu idda edilir.

“Red Bull”un da oxşar texnologiyadan istifadə imkanlarını araşdırdığına dair şayiələr var idi.

“Düşünürəm ki, bəzi mühərrik istehsalçıları bəzi komandaların çətin həllərdən istifadə etməsindən əsəbiləşirlər. Açığı, bütün bunları nə qədər dinləməli olduğunuzdan əmin deyiləm. Mən uzun müddətdir ki, bu işdəyəm və demək olar ki, həmişə belə hesabatlar sadəcə səs-küy olur. Siz sadəcə olaraq öz işinizə fikir verməlisiniz.

Nə etdiyimizi bilirəm. Əminəm ki, bizim gördüyümüz işlər qanunidir. Əlbəttə ki, biz qaydaların icazə verdiyi həddə işləyirik, amma başqaları da bunu etməsələr, təəccüblənərəm. Hər kəsin 16-1 aralığında olmasını gözləyirəm.

Ümumiyyətlə, belə sıxılma nisbəti çox aşağıdır. Bizdə yanacaq sərfiyyatını kifayət qədər sürətli etmək texnologiyası var. Biz 18:1 sıxılma nisbəti ilə işləyə bilərdik”, – “The Race” Hodkinsonun sözlərini sitat gətirib.