“Qarabağ”ı yıxan ulduz: Bu məqam matçın tonunu müəyyənləşdirdi

“Mən təkcə özümlə deyil, hamı ilə fəxr edirəm. Bura gəlib oynamaq heç vaxt asan deyil, buna görə bütün komanda adına çox xoşbəxtəm”.

Publika.az xəbər verir ki, bu sözlərk “Nyukasl”ın futbolçusu Entoni Qordon Çempionlar Liqasının pley-off mərhələsinin “Qarabağ”la ilk oyununu (6:1) dəyərləndirərkən deyib. İngilis vinger yüksək pressinq sayəsində qələbə qazandıqlarını deyib:

“Əsas amil mentalitetimiz oldu. “Qarabağ” çox yaxşı komandadır və burada oynamaq çətindir, amma oyunun əvvəlindən etdiyimiz pressinq matçın tonunu müəyyənləşdirdi. Biz rəqabətli və dayanmadan mübarizə aparan idik, məhz bu təzyiq qol imkanlarımızı yaratdı”.

Poker edərək matçın ən yaxşı oyunçusu seçilən Qordon turnirdəki hədəflərini də açıqlayıb:

“Çempionlar Liqasına hədəfimiz sadədir. Oyundan-oyuna irəliləmək və növbəti matçı qazanmağa çalışmaq. Rekordlar, əlbəttə, xoşdur, amma futbol komanda oyunudur. Fərdi anlar yalnız komanda uğur qazandıqda önəm daşıyır. Bu axşam isə ən vacib olan məhz bu idi”.

Heybət