Türkiyədə kütləvi həbslər: 11 futbol klubunun 32 rəsmisi saxlanıldı

Türkiyə hüquq-mühafizə orqanlarının əməkdaşları oyunlara qanunsuz mərc qoyulması ilə bağlı araşdırma çərçivəsində elitada oynayanlar da daxil olmaqla 11 futbol klubunun 32 hazırkı və keçmiş rəsmisini saxlayıblar.

Publika.az xəbər verir ki, bu barədə NTV məlumat yayıb.

Cümə səhəri ölkənin 10 əyalətində əməliyyatlar keçirilib. “Adana Demirspor”, “Antalyaspor” və “Alanyaspor” nümayəndələri də daxil olmaqla, digər klubların əməkdaşları da saxlanılıb.

Türkiyə Futbol Federasiyası (TFF) daha əvvəl son beş ildə oyunlara qanunsuz mərc edən 212 peşəkar klub rəsmisini müəyyən etmişdi. Bunlara 108 məşqçi və 104 klub meneceri daxil idi.

Federasiya həmçinin 149 peşəkar hakimin beynəlxalq səviyyədə də daxil olmaqla, oyunlara mərc etmək üçün istifadə edilən hesabları aşkar edildikdən sonra onları səkkiz aydan bir ilə qədər müddətə oyunlardan kənarlaşdırıb. İşdə ümumilikdə 571 aktiv hakim iştirak edir, onlardan 371-nin bukmekerlərdə hesabı var. Bundan əlavə, qeyd edilib ki, mərc araşdırması çərçivəsində mindən çox futbolçu TFF İntizam Şurası qarşısında çıxış edəcək.

Türkiyə Ədliyyə Nazirliyinin yeni rəhbəri, əvvəllər İstanbul Baş prokuroru olan Akın Gürlek bildirib ki, yerli hakimiyyət orqanları tərəfindən İnterpol və Avropa Futbol Assosiasiyaları İttifaqı ilə birgə aparılan istintaq çərçivəsində bir neçə Türkiyə futbol klubunun rəhbəri saxlanıla bilər.

Heybət