İdman

Futbolçularının dəyəri azaldı, "Real" zirvəni əldən verdi

16 Mart 2026 17:55

“Transfermarkt” portalı son yeniləməyə əsasən İspaniya La Liqasındakı futbolçuların bazar qiymətlərini açıqlayıb.

Publika.az xəbər verir ki, “Real”, əvvəlki yeniləməyə qədər dünyanın ən yüksək dəyərinə malik heyətə sahib olsa da, bu göstərici 49,5 milyon avro azalaraq 1,31 milyard avroya düşüb və indi birinci yeri “Mançester Siti” ilə bölüşür.

“Real”ın 12 oyunçusunun bazar dəyəri azalıb. Onlar arasında 18 yaşlı Franko Mastantuono (-5 milyon avro, 45 milyon avro oldu), uzun müddət zədəli olan Rodriqo (-10 milyon avro, 50 milyon avro oldu) və mərkəz müdafiəçiləri Din Huysen (-5 milyon avro, 65 milyon avro oldu) və Antonio Rüdiger (-3 milyon avro, 9 milyon avro oldu) var.

İspaniya çempionatında 28 oyundan sonra “Real” 66 xal toplayaraq turnir cədvəlində ikinci yerdə qərarlaşıb və “Barselona”dan dörd xal geri qalır.

Heybət