"Real Madrid"in baş məşqçisi klubdan ayrıldı

"Real" və Alvaro Arbeloa onun komandanın baş məşqçisi kimi fəaliyyətinə xitam verilməsi ilə bağlı razılığa gəliblər.

Publika.az xəbər verir ki, bu barədə klubu rəsmi saytı məlumat yayıb.

Klubun açıqlamasında qeyd olunur:

““Real” Alvaro Arbeloa üçün həmişə ev olaraq qalacaq. Biz ona və ailəsinə həyatlarının yeni mərhələsində uğurlar arzulayırıq”.

Mayın 5-də Kilian Mbappenin komandanın məşqçilər heyətinin üzvü ilə münaqişə yaşaması barədə məlumat yayılmışdı. KİV-in məlumatına görə, insident aprelin 24-də keçirilən "Betis"lə matçdan (1:1) əvvəl baş verib. Bildirilir ki, Mbappe məşq oyununda ofsayd qeydə alan əməkdaşa qarşı "qəzəbli və təhqiramiz" ifadələr işlədib.

Bundan başqa, Mbappenin klubdan Vinisiusu satmağı tələb etdiyi barədə xəbərlər yayılıb. Jurnalist Fransua Qallardo qeyd edib ki, futbolçunun anası Fayza Lamari bu xahişlə "Real"ın prezidenti Florentino Peresə artıq müraciət edib. İddiaya görə, əgər Vinisius "Real"da qalarsa, Mbappe klubu tərk edəcək.

Hüseyn İbadlı